शरद पवारांची राष्ट्रवादी काँग्रेस जिंकण्यासाठीच लढणार ! – जिल्हाध्यक्ष अतुल गण्यारपवार यांची पत्रकार परिषदेतून माहिती – निवडणूकीत मनसे व उध्दवसेनेसोबत आघाडी, बिपाशा भुसारे नगराध्यक्ष पदाच्या उमेदवार
एव्हीबी न्यूज गडचिरोली :- गडचिरोली नगर पालिकेच्या निवडणूकेसाठी राष्ट्रवादी कॉंग्रेसने ( शरद पवार गट) महाराष्ट्र नवनिर्माणसेना व शिवसेना उध्दव बाळासाहेब ठाकरे पक्षासोबत आघाडी केली आहे. गडचिरोली शहराच्या सर्वांगीण विकसाचा दृश्टीकोण डोळयासमोर ठेवून ही निवडणूक जिंकण्यासाठीच रणांगणात उतरणार आहोत. नगराध्यक्ष पदाची उमेदवारी बिपाशा भुसारे यांना देण्यात आली आहे, अशी माहिती राष्ट्रवादी कॉंग्रेसचे ( शरद पवार गट) जिल्हाध्यक्ष अतुल गण्यारपवार यांनी पत्रकार परिषदेतून दिली.
गण्यारपवार यांनी पत्रकार परिषदेत स्पश्ट केले की, आमच्या आघाडीचे १८ उमेदवार निवडणूकीच्या रिंगणात उतरणार आहेत. काही इच्छूकांना वेळेवर दस्तावेजाची पुर्तता न करण्यात आल्याने ज्यांना उमेदवारी अर्ज दाखल करता आला नाही आणि निवडणूकीपासून वंचीत राहावे लागले. ते सुध्दा जोमाने काम करणार आहेत. गडचिरोली शहरात राष्ट्रवादी कॉंग्रेसचे (शरद पवार गट) हजारे कार्यकर्त्यांचे नेटवर्क आहे. तसेच मनसे आणि उध्दवसेनेचे मोठया प्रमाणात कार्यकर्ते आहेत. हे सर्व कार्यकर्ते उमेदवारांच्या विजयासाठी मेहनत घेणार आहेत. आघाडी मध्ये नगराध्यक्ष आणि नगरसेवक पदासाठी राष्ट्रवादी कॉंग्रेसचे 12 उमेदवार आणि शिवसेना उध्दव बाळासाहेब ठाकरे पक्षाचे 6 उमेदवार निवडणूकीच्या रिंगणात उतरणार असल्याचे गण्यारपवार म्हणाले.
पत्रकार परिषदेला राश्टवादी कॉंग्रेसचे अॅड. संजय ठाकरे, उदवसेनेचे जिल्हाध्यक्ष वासुदेव शेडमाके, मनसेचे जिल्हाध्यक्ष राजेंद्र साळवे, राकॉ ओबसी आघाडीचे शेमदेव चाफले, नगराध्यक्ष पदाच्या उमेदवार बिपाशा भुसारे, नंदू कुमरे, अमोल गण्यारपवार, एजाज शेख, करण गण्यारपवार, नागनाथ भुसारे, राजेंद्र लांजेवार व कार्यकर्ते उपस्थित होते.
बॉक्स………………
बिपाशा भुसारे सर्वात कमी वयाच्या उमेदवार
राष्ट्रवादी कॉंग्रेसने (शरद पवार गट ) गडचिरोली नगरपालिकेच्या नगराध्यक्ष पदाची उमेदवारी बिपाशा नागनाथ भुसारे या 22 वर्षीय युवतीला दिली आहे. बिपाशा भुसारे या नगराध्यक्षपदाच्या निवडणूकीसाठी उतरलेल्या सर्वात कमी वयाच्या उमेदवार आहेत. सामाजिक कार्याची ओढ असलेल्या बिपाशा भुसारे यांनी पुणे येथून वाणिज्य शाखेतून पदवी प्राप्त केली आहे.
